Napakadaling humantong sa konklusyon kung ano ang intensyon ng Diyos sa pagdurusa. Ngayong linggo, ipinapaalala ni Ptr. Michael Cariño na dapat tayong maghinay-hinay sa panghuhusga at maging maingat sa pagbibigay ng payo. Sa gitna ng ating mga pighati, higit na marunong ang Diyos at siya’y karapat-dapat pagtiwalaan.
Naranasan mo na bang magtampo sa Diyos dahil sa hagupit ng buhay? Ngayong linggo, hinihikayat tayo ni Ptr. Michael Cariño na harapin ang anumang hinanakit, sama ng loob, o galit na ating nararamdaman sa pamamagitan ng paglapit sa Diyos. Maaari tayong magpakatotoo sa Kanya.
Kaya ba nating magtiwala sa Diyos sa harap ng matinding pagdurusa? Sa pamamagitan ng kwento ni Job, tayo ay hinihikayat ni Ptr. Michael Cariño na lumuhod at magtiwala sa Panginoon sa gitna ng anumang pighati at paghihirap dahil ang Kanyang mga panuntunan at pamamaraan ay higit sa kaisipan at pang-unawa ng tao.
Paano magiging makabuluhan ang ating buhay sa mundo sa kabila ng mga hamon at problema? Sa huling mensahe ng seryeng ito, hinihikayat tayo ni Ptr. Joseph Ouano na lubos-lubusin ang buhay sa pamamagitan ng pamumuhay nito kasama ang Panginoon.
