Paano natin lulutasin ang problema ng madalas na pagaaway sa loob ng simbahan? Sa linggong ito, ipinaalala ni Rev. Mike Cariño na walang “second class” na mananampalataya. Lahat tayo ay bahagi ng simbahan ng Diyos. Gamitin natin ang Tamang Pundasyon sa pagtatayo ng simbahan at ilagay natin ang ating tiwala sa karunungan ng Diyos at hindi sa tao.

Tayo ang Templo ng Diyos. Siya ang nag-aalaga at naghahanda sa atin para sa Kanyang gawain. Ngayong linggo, hinihikayat tayo ni Ptr. Allan Rillera na umiwas sa mga pag-aaway at panibibugho na sumisira sa Kanyang templo. Ang Diyos ang susuri, susubok,at maghahatol sa gawain ng bawat miyembro ng Kanyang sambahayan.

Hinahangad ng isang tunay na mananampalataya ang maging “mature” sa salita at gawa, lalo na sa pakikitungo sa ibang tao. Ngayong linggo, hinihikayat tayo ni Ptr. July David na palaguin ang ating pananampalataya sa Diyos, gayundin ang ating pag-uugali at pakikitungo sa iba bilang mga tunay na alagad ni Kristo.

Ang karunungan ng Diyos ay tago at isang misteryo sa mga hindi nakakakilala sa Kanya. Itong linggo, ibabahagi ni Rev. Mike Cariño na hindi sapat ang katwiran ng tao para maunawaan ang isip ng makapangyarihang Diyos. Kailangan natin Siyang kilalanin bilang Diyos at tangappin ang karunungan na nagmumula sa Kanya sa pamamagitan ng Banal na Espiritu.