Hindi dapat binabale-wala ang patuloy na pamumuhay sa kasalanan at sa halip, dapat itong harapin upang mapangalagaan ang kabanalan ng katawan ni Kristo. Ngayong linggo, hinihikayat tayo ni Ptr. July David na iwasan at talikuran ang mga nakagawiang kasalanan dahil ito ay mapanira sa simbahan at mapanghamak sa kaligtasan at kapatawaran na ibinibigay ni Hesu Kristo.
Marami sa atin ang takot na maging disipulo at magdisipulo ng iba dahil iniisip natin na napakabigat ng mga gawaing ito. Ngayong linggo, hinihikayat tayo ni Rev. Genesis Tan na sundan ang mga yapak ni Hesus sa pagdidisipulo. Siya ang nagbibigay ng lakas sa mga ordinaryong tao upang maisakatuparan ang Kanyang kamangha-manghang gawain.
Mahal ng Diyos ang lahat at hindi Niya nais na mapahamak ang sinuman. Itong linggo, hinihikayat tayo ni Rev. Mike Cariño na tumugon sa imbitasyon ng Diyos na tanggapin ang Kanyang dakilang pagmamahal na nagbibigay kaligtasan sa pamamagitan ni Jesu-Kristo.
Ang Muling Pagkabuhay ni Hesus ang pundasyon ng ating pananampalataya at pag-asa. Ngayong linggo, ibabahagi ni Rev. Mike Cariño na ang muling pagkabuhay ng ating Panginoon ang nagpapatunay sa katotohanan ng ating pananampalataya at sa katuparan ng ating kapatawaran at kaligtasan.
