Sa pagtatapos ng aklat na Daniel, ibinunyag ng Diyos na maraming masamang magaganap sa katapusan ng mundo, ngunit magatatagumpay ang paghahari ng kabutihan. Ngayong linggo, ipinapaalala ni Ptr. Michael Cariño na mayroong Tagapagtanggol, may kaligtasan, at may misyon o layunin ang lahat ng nagtitiwala at nananatiling tapat sa Diyos.
Sa kabila ng kawalang katiyakan sa hinaharap, makakaasa tayo na tiyak na tutuparin ng Diyos ang kanyang mga pangako sa atin. Itong linggo, hinihikayat tayo ni Ptr. Joseph Ouano na ipagpatuloy ang pagiging tapat at paglilingkod sa ating Diyos na Siyang ating pag-asa at katiyakan.
Ang Kaharian lamang ng Diyos ang mananatili magpakailanman. Samahan natin si Ptr. Allan Rillera itong linggo upang tingnan kung paano binuwag ng Diyos ang mga kahariang mapanira at hindi nakalulugod sa Panginoon.
Walang dapat katakutan ang taong namumuhay nang tapat at tumitindig sa katotohanan. Ngayong linggo, tatalakayin ni Ptr. Joseph Ouano kung paano natunghayan ni Daniel ang pagkilos ng Diyos dahil siya ay nanatili sa pananampalataya sa Kanya.
