Isa bang biyaya o sumpa ang pag-aasawa? Sa linggong ito, ibabahagi ni Rev. Mike Cariño ang mga katangian ng isang maka-Diyos na pag-iisang dibdib at ang mga pananaw ng Bibliya tungkol sa pananatiling single, paghihiwalay, at muling pag-aasawa.

Laganap sa ating mass at social media ang baluktot na pananaw tungkol sa sex. Ngayong linggo, ipinapaalala ni Ptr. Renz Raquion na may asawa man o wala, sikapin nating mamuhay nang dalisay at buong-pusong sundan and disenyo ng Diyos para sa sex.

Kung mahalaga sa atin na manatiling malinis ang ating pisikal na katawan, bakit natin ito hinahayaang mabahiran ng kasalanan na siyang mas nakamamatay? Ngayong linggo, ipinaalala ni Ptr. Allan Rillera na kailangan nating pangalagaan ang ating katawan nang may respeto at dignidad sapagkat ito ay pagmamay-ari ng Diyos.

Bilang mananampalataya, sikapin nating ayusin ang mga hindi pagkakasundo sa loob ng simbahan nang hindi umaabot sa korte at demandahan. Sa linggong ito, hinihikayat tayo ni Rev. Mike Cariño na gamitin ang karunungan ng Diyos, at kung kailangan, ay isaalang-alang ang pagsuko ng ating mga karapatan kung ang paggawa nito ay makakatulong sa paglutas ng mga alitan sa loob ng simbahan.