Masyado bang mataas ang ating kumpiyansa sa ating pagka-mature sa buhay-Kristiyano kaya’t hindi na natin binibigyang-pansin ang mga simple o may pananampalatayang tulad ng isang bata? Ngayong Linggo, ipinapaalala sa atin ni Pastor Renz Raquion na pinahahalagahan ng kaharian ng Diyos ang pagiging inosente at pagkakaroon ng dalisay na puso. Lumapit tayo sa Diyos nang may pagtitiwala at pananampalatayang tulad ng sa isang bata.

Tinugunan ni Hesus ang isyu ng diborsiyo sa pamamagitan ng pagtuturo tungkol sa layunin ng Diyos para sa pag-aasawa. Ngayong Linggo, hinihikayat tayo ni Ptr. July David na galangin ang banal na disenyo ng kasal sa pamamagitan ng pagharap sa katigasan ng ating puso laban sa kalooban ng Diyos, at sa pagtataguyod ng karangalan ng bawat tao sa pamamagitan ng katotohanan, biyaya, at pagmamahal.

Ang tunay na pagsunod kay Jesus ay nagbubunga ng kabanalan, hindi lamang ng kaligayahan. Ang mananampalatayang namumuhay nang matuwid ay nakalulugod sa Diyos at sa kapwa. Ngayong Linggo, ipinaaalala sa atin ni Rev. Mike Cariño na ang tunay na alagad ni Kristo ay maingat sa kanyang impluwensya, umiiwas sa tukso at kasalanan, at nagdudulot ng pagkakaisa at mabuting ugnayan sa kapwa.

Huwag nating ituring na kompetisyon sa Gospel ang ibang ministry at church. Hindi tayo dapat mainggit sa kanilang tagumpay; sa halip, dapat tayong magsaya kasama nila habang nagsisikap silang ibahagi ang mensahe ni Kristo. Ngayong Linggo, hinihikayat tayo ni Pastor Allan Rillera na tumuon sa pagbuo ng Kaharian ng Diyos nang walang hangganan o pagtatangi. Ginagantimpalaan ng Diyos ang bawat pagsisikapang ginawa sa Ngalan ni Jesus.