Ang hangad ni Kristo para sa atin ay ang tunay na pagbabago ng ating buhay. Mas mahalaga sa Kanya ang ating puso kaysa sa anumang gawaing pangrelihiyon. Ngayong Linggo, hinihikayat tayo ni Pastor July David na maging tapat sa ating relasyon kay Kristo, unahin ang Kanyang Salita higit sa mga tradisyon, at hayaan Siyang baguhin tayo mula sa ating puso.

Bilang mga tagasunod ni Hesus, tayo ay dumadalo sa “paaralan ni Cristo” kung saan ang ating mga aralin ay binubuo ng mga pagsubok na tumutulong sa atin na mas maunawaan ang Kanyang katangian, kapangyarihan, biyaya, at layunin. Ngayong Linggo, ibabahagi ni Rev. Mike Cariño kung paano ginagamit ni Hesus ang mahihirap na sitwasyon upang hubugin tayo, turuan tayong umasa sa Kanya bilang ating Tagapagligtas, at i-ayon ang ating buhay sa Kanyang kalooban.

Sa dami ng nangyayari sa mundo, may mga pagkakataong tinatanong natin kung tunay nga bang isinasaalang-alang ng Diyos ang ating mga pangangailangan. Ngayong Linggo, sa pamamagitan ng himala ng limang tinapay at dalawang isda, ibabahagi ni Ptr. Allan Rillera kung gaano tayo inaalagaan ni Hesus at kung paanong lubos Niyang nauunawaan ang ating mga alalahanin at mga sitwasyong kinakaharap.

Hindi laging madali ang pagsunod kay Hesus. Sa katunayan, madalas tayong nahaharap sa mga hamong nangangailangan ng lakas ng loob upang panindigan ang mga katangian ni Kristo kaysa sa mga pinahahalagahan ng mundo. Ngayong Linggo, tatalakayin ni Rev. Mike Cariño ang mga katangiang dapat taglayin ng bawat disipulo na tapat na sumusunod kay Kristo.