Ipinagkaloob ng Diyos ang simbahan upang ang mga miyembro nito ay magdamayan at magtulungan sa gitna ng mga pagsubok. Ngayong linggo, ipinapaalala ni Ptr. Allan Rillera na mahalaga ang pakikibahagi sa isang aktibong komunidad na nagtutulungan upang mapatatag ang pananampalataya ng bawat isa sa harap ng mga hamon sa buhay.
Kailangan ng simbahan ng mga “good shepherd” na magsisilbing gabay sa ating paglalakbay sa mundong puno ng pagsubok at pagdurusa. Ngayong linggo, hinihikayat ni Rev. Mike Cariño ang mga tinawag ng Diyos na mamuno sa Kanyang simbahan na maging mabuting tagapag-alaga at pastol na patuloy na tinutularan ang halimba ng natatanging “Good Shepherd”.
Paano humarap sa mga pagsubok at manatiling mapagpasalamat sa Diyos? Itong linggo, ipinapaalala ni Rev. Mike Cariño na kaya ng Panginoon maiahon tayo mula sa kawalan ng pag-asa tungo sa pagpapasalamat. Nauunawaan Niya ang ating mga pagsubok, karapat-dapat Siyang purihin, at Siya ang magliligtas sa atin kapag tayo’y lumapit sa Kanya.
Tulad natin, nakaranas din si Kristo ng mga matinding pagsubok sa buhay. Itong linggo, hinihikayat tayo ni Rev. Mike Cariño na tanggapin ang mga pagsubok dahil pinalalakas nito ang ating karakter, pinapatatag ang ating pananampalataya, at nililinaw ang gawain ng Diyos sa ating buhay.
