Sa dami ng pagsubok na kailangan nating harapin sa buhay, ano ang pag-asang maaring panghawakan ng bawat Kristiyano? Ngayong linggo, ipinapaalala ni Rev. Mike Cariño na mayroon tayong buhay na pag-asa kay Kristo na Siyang nagbibigay ng panibagong lakas sa bawat araw upang mapagtagumpayan natin ang anumang pagsubok.
Makikita natin ang perpektong modelo ng pagiging isang ama kapag susuriin natin ang relasyon ni Hesus at ng Diyos Ama . Ngayong linggo, ibabahagi ni Ptr. Joseph Ouano na ang tunay at wastong paraan ng pagiging isang ama ay nanggagaling sa Diyos. Sa Kanya natin matututunan paano maging isang mabuting tatay.
Tungkulin ng isang ama ang magwasto ng kanyang mga anak kapag sila’y nagkakamali o naliligaw ng landas. Itong linggo, ipinapaalala ni Rev. Mike Cariño na ang wastong pagdidisiplina ng mga anak ay bahagi ng pagmamahal at paggabay ng isang ama—tulad ng pagdidisiplina ng Diyos Ama sa atin.
Bilang mga ama, ang pinakalayunin natin para sa ating mga anak ay ang makita nilang totoo ang krus ni Kristo sa kanilang buhay. Itong linggo, hinihikayat ni Ptr. Renz Raquion ang mga tatay na maging determinado at buong pusong turuan ang kanilang mga anak na manatili kay Kristo upang makitang buhay ang Gospel sa kanilang pamamaraan at pamumuhay.
