Kapag nagpaplano ang isang ama para sa kinabukasan ng kaniyang mga anak, ito ba ay alinsunod sa kalooban ng Diyos? Itong linggo, pinapaalalahanan ni Ptr. Allan Rillera ang bawat ama na hanapin at sundin ang plano ng Diyos para sa kanyang mga anak at turuan sila kung paano mabuhay ayon sa nais at layunin ng Diyos.
Mula sa librong Esther, matututunan natin na kahit hindi nakikita ang Diyos, ang Kanyang presensiya ay naipapamalas sa buhay ng Kanyang mga tagasunod. Itong linggo, hinihikayat tayo ni Ptr. Renz Raquion na mamuhay sa paraang sumasalamin sa katauhan ng ating Panginoon upang marami pang iba ang makakita, makakilala, at magtiwala sa Kanya.
Kumikilos ang Diyos sa likod ng bawat pangyayari kahit na minsan tila Siya’y nananahimik at hindi natin maramdaman ang Kanyang presensiya. Ngayong linggo, ipinapaalala ni Ptr. Joseph Ouano na hindi tayo iiwan o pababayaan ng Diyos kailanman. Magtiwala at umasa tayo sa Panginoon sa gitna ng hirap at ginhawa.
Sa huli, mananaig ang kabutihan laban sa kasamaan. Ngayong linggo, ipinapaalala ni Ptr. Joseph Ouano na mayroon tayong mga rason upang magsaya at magpasalamat kahit na sa gitna ng madidilim na sandali. Kaya ng ating Diyos na palitan ang ating kalungkutan ng kagalakan, at ang ating pagdadalamhati ng pagdiriwang.
