Maaring abala tayo sa paglilingkod sa Diyos, ngunit nasa tama ba ang ating mga puso? Ngayong linggo, ipinapaalala ni Ptr. Michael Cariño na ang ating serbisyo at handog ay hindi katanggap-tanggap sa Panginoon kung hindi malinis ang pusong pinagmumulan nito. Mas mahalaga para sa Diyos ang motibo at nilalaman ng ating mga puso’t isipan kaysa sa ating mga ginagawa. Ugaliin nating lumapit sa Siyang magdadalisay ng ating mga puso.
Ang panahon natin ngayon ay puno ng agam-agam, takot, at pangamba. Kaya’t ngayong Linggo, ipinapaalala ni Ptr. Michael Cariño na hangad ng Diyos na bigyan tayo ng kapayapaan – at ito ay makakamit natin kapag si Hesus ang naghahari sa ating mga buhay. Ang kapayapaan na galing sa Diyos ay hindi nakasalalay sa mga sitwasyon at kaganapan; ang tunay na kapayapaan ay makikita sa kalagayan ng ating mga puso.
Huwag tayong mag-atubiling bumalik sa Panginoon tuwing tayo ay napapalayo sa Kanya. Sa mensaheng ito, ipinapaalala ni Ptr. Joseph Ouano na kung tayo ay magbabalik loob sa Diyos nang may pagsisisi at pagpapakumbaba, maasahan natin ang pangako Niyang magbalik din sa atin.
Saan natin mahahanap ang Diyos sa mga panahon ng sakuna? Ngayong linggo, ipinapaalala ni Ptr. Allan Rillera na ang Diyos ay hindi limitado sa mga lugar ng pagsamba. Dahil kay Hesus, ang presensiya ng Panginoon ay nasa atin at patuloy nating masasaksihan ang Kanyang kaluwalhatian.
