Paano ka tumutugon sa mga trahedya ng buhay? Matatakot ka ba, madidismaya, o magagalit? Ngayong Linggo, hinihikayat tayo ni Ptr. Allan Rillera na huwag mawalan ng pag-asa sa gitna ng mga tila imposibleng sitwasyon, at ituon ang ating mga mata kay Hesus na Siyang Tagapagpagaling at Tagapagbigay ng buhay.

Marami sa atin ang namumuhay nang walang pag-asa—bihag ng kasalanan at walang kakayahang makawala sa hawak nito. Ngayong Linggo, ipapaalala sa atin ni Rev. Mike Cariño na si Kristo lamang ang makakapagpalaya sa atin mula sa kadiliman, makakadaig sa ating mga kahinaan, at makakasagip sa atin mula sa pagkakalugmok, upang tayo’y mamuhay nang tapat sa Diyos.

Hindi ipinangako ng Diyos ang isang buhay na walang problema; ngunit ipinangako Niya na kailanma’y hindi Niya tayo iiwan o pababayaan. Ngayong Linggo, ipinaalala sa atin ni Ptr. July David na habang binabagtas natin ang mga unos ng buhay, makakahanap tayo ng katiyakan sa presensya, kapayapaan, at kapangyarihan ni Jesus.

Dating nakatago ngunit ngayo’y ganap nang inihayag at bukas para sa lahat ang Mabuting Balita ni Hesus. Ngayong Linggo, hinihikayat tayo ni Rev. Michael Cariño na ituon at payabungin ang ating mga puso sa Salita ng Diyos—upang mas lalo nating maunawaan si Hesus, mas maisabuhay ang Kanyang liwanag, at makapagdulot ng tunay na paglago at pagbunga para sa Kanyang Kaharian.