Mananatili ba tayong tapat sa Diyos kahit na walang nakakakita sa atin? Sinasalamin ba ng ating pagkilos at paguugali ang buhay ng isang tapat na mananampalataya? Itong linggo, ipinapaalala ni Ptr. Allan Rillera na upang maituring na tapat at kalugud-lugod sa mata ng Diyos, kailangan natin mamuhay nang may integridad kahit na walang nakatingin sa atin.
Kung hindi muling nabuhay si Hesus, wala tayong pag-asa laban sa siguradong kamatayang bunga ng ating pagkakasala. Ngayong Araw ng Pagkabuhay, ibabahagi ni Ptr. Mike Cariño na naging tunay ang ating pananampalataya, buo ang ating pagpapatawad, at tiyak ang ating kinabukasan dahil sa muling pagkabuhay ni Kristo.
Itinatag ng sinaunang Israel ang mga Lunsod-Kanlungan bilang pagsasabuhay sa awa at habag ng Diyos. Sa kasalukuyan, ang prinsipyong ito ay patuloy na nabubuhay sa katauhan ni Hesus na Siyang ating tunay na kanlungan. Ngayong linggo, ibabahagi ni Ptr. Mike Cariño na wala nang paghahatol na naghihintay para sa sinumang na kay Kristo.
Matapos ang pitong taong digmaan, nasakop rin sa wakas ng Israel ang Canaan at hinati-hati nila ang lupain na ito sa kanilang mga tribo alinsunod sa ipinangako ng Diyos. Ngayong linggo, hinihikayat tayo ni Ptr. Joseph Ouano na magtiwala sa katapatan at kadakilaan ng Diyos sapagkat ang Kanyang mga pangako ay tiyak na matutupad.
