Tungkulin ng isang ama ang magwasto ng kanyang mga anak kapag sila’y nagkakamali o naliligaw ng landas. Itong linggo, ipinapaalala ni Rev. Mike Cariño na ang wastong pagdidisiplina ng mga anak ay bahagi ng pagmamahal at paggabay ng isang ama—tulad ng pagdidisiplina ng Diyos Ama sa atin.

Bilang mga ama, ang pinakalayunin natin para sa ating mga anak ay ang makita nilang totoo ang krus ni Kristo sa kanilang buhay. Itong linggo, hinihikayat ni Ptr. Renz Raquion ang mga tatay na maging determinado at buong pusong turuan ang kanilang mga anak na manatili kay Kristo upang makitang buhay ang Gospel sa kanilang pamamaraan at pamumuhay.

Maituturing na biyaya at tawag mula sa Panginoon ang pagiging isang ama. Paano dapat itaguyod ng isang ama ang awtoridad na ibinigay ng Diyos sa kanya bilang pinuno ng tahanan? Itong linggo, ibabahagi ni Ptr. Joseph Ouano ang mga prinisipyo ng pagiging isang mabuting ama ayon sa layunin ng Diyos.

Kapag nagpaplano ang isang ama para sa kinabukasan ng kaniyang mga anak, ito ba ay alinsunod sa kalooban ng Diyos? Itong linggo, pinapaalalahanan ni Ptr. Allan Rillera ang bawat ama na hanapin at sundin ang plano ng Diyos para sa kanyang mga anak at turuan sila kung paano mabuhay ayon sa nais at layunin ng Diyos.