Malamang nakaramdam ng desperasyon at panghihina ng loob si Esther nang kinailangan niyang isakrispisyo ang sarili para mailigtas ang kanyang mga kababayan. Ngayong linggo, ipinapaalala ni Ptr. Mike Cariño na ang Diyos ay patuloy na gumagalaw sa gitna ng malalagim na sitwasyon. Dapat tayong magpakumbaba at magtiwala na nasa kamay ng Diyos ang lahat.

Bakit tila napakarami ng problemang pumapalibot sa atin habang mistulang walang pasanin ang iba? Pinaliwanag ni Ptr. Mike Cariño kung paano tayo maaring tulungan ng mga pagsubok sa buhay na matutunan ang ating lugar at bahagi sa plano ng Diyos.

Ano ang tumatakbo sa ating isipan sa gitna ng trahedya? Madalas ang tanong natin ay “Nasaan ang Diyos sa lahat ng ito?” Ngayong linggo, ipapaliwanag ni Ptr. Mike Cariño kung paano maaaring gamitin ng Panginoon ang mga trahedya sa buhay upang ihayag sa atin ang Kanyang walang hanggang presensya at pangako.

Bagaman isang ulila at dayuhan, si Esther ay napili bilang susunod na reyna. Itong linggo, tatalakayin ni Ptr. Mike Cariño na sa kabila ng ating mga pagkukulang, kaya gamitin ng Diyos ang ating mga buhay upang tuparin ang Kanyang mga plano.