Hindi madali ang maglingkod sa Diyos, lalo na kung ikaw ay napapalibutan ng mga taong masama, mga pasaning mabigat, at mga suliraning masakit. Ngayong linggo, hinihikayat tayo ni Ptr. Allan Rillera na huwag sumuko sa paglilingkod sa ating Diyos, sapagkat hindi Niya makakalimutan ang mga naglilingkod sa Kanya nang tapat hanggang sa huli.

Ang pagbibigay sa Panginoon ay pagkilala na Siya ang nagmamay-ari ng lahat ng bagay at Siya ang pinagmumulan ng lahat ng pagpapala. Ngayong linggo, pinapaalala ni Ptr. Joseph Ouano na ang ating pagbibigay sa Diyos ay tanda ng ating katapatan at pagtitiwala sa Kanya.

Kung ang iyong karelasyon ay hindi naging tapat at nagtaksil sa’yo, makikipagkasundo ka pa ba? Ngayong linggo, ipapakita saatin ni Ptr. Allan Rillera na ang Diyos ay nananatiling tapat at handang makipag-ayos sa mga nagkasala laban sa Kanya. Tayo ay magbalik-loob sa Panginoon habang may panahon pa.

Bakit hinahayaan ng isang Diyos na makatarungan ang kasamaan, kalupitan, at karahasan sa ating lipunan? Sa mensaheng ito, inaanyayahan tayo ni Ptr. Mike Cariño na magtiwala sa Panginoon at tanggapin ang Kanyang pagdadalisay sa ating mga buhay. Sa araw ng Kanyang paghahatol, Siya ang maglilinis, magtatama, at magbabalik ng katarungan sa ating mundo.