Ano ang matututunan natin kay Maria tungkol sa pagiging isang ina? Sa mensaheng ito, hinihikayat tayo ni Ptr. Joseph Ouano na tignan ang pagiging isang ina bilang isang pagkakataon upang maglingkod sa Diyos, isang tawag upang magpahalaga, at isang hamon upang magtiwala.
Bukod sa magsumikap na mabigyan ng magandang buhay at kinabukasan ang pamilya, responsibilidad ng ama na pamunuan ang kanilang mga anak upang makilala ang Panginoon. Sa mensaheng ito, hinihikayat ni Ptr. Allan Rillera ang mga ama na maglaan ng sapat na oras para sa kanilang mga anak upang sila ay magabayan at maturuan tungkol sa salita at paraan ng Diyos.
Ngayong linggo, ipapaliwanag ni Ptr. Joseph Ouano ang kaugnayan ng pagpapasakop ng isang misis sa kanyang mister sa kanyang pagtitiwala at pananampalataya kay Hesus.
Sa mensaheng ito, hinihikayat ni Ptr. Allan Rillera ang bawat asawang lalaki na gampanan ang kanyang tungkulin mula sa Diyos na maging pinuno ng pamilya at punan ang kanyang responsibilidad na mahalin ang kabiyak na babae tulad ng pagmamahal ni Kristo sa simbahan.
