Kailangan ng tunay na pagmamahal upang maisakatuparan ang pagkakaisa at pagkakasundo sa loob ng simbahan. Sa linggong ito, bibigyang-diin ni Rev. Mike Cariño na ang tunay na pagmamahal ay naghahangad para sa mabuting kapakanan ng iba, umiiwas na makasakit ng kapwa, at nagmamalasakit sa bawat isa.

Paano ba magmahal ng mga taong mahirap mahalin? Ngayong linggo, ibabahagi ni Ptr. Allan Rillera ang tungkol sa “Agape Love” ng Diyos upang ipaliwanag kung ano ang tunay na pagmamahal at kung ano ang hindi.

Gaano man kahanga-hanga ang isang kakayahan, ito ay nawawalan ng kabuluhan at saysay kung walang pag-ibig. Sa linggong ito, ipinapaalala ni Rev. Mike Cariño na ang magandang pagsasalita, malalim na karunungan, matatag na paniniwala, at malalaking sakripisyo ay walang kabuluhan kung hindi natin gagamitin ang mga ito nang may pagmamahal sa kapwa.

Tulad ng isang katawan na may iba’t ibang bahagi at gawain, tayo ay magkakaiba pero nagkakaisa kay Kristo. Ngayong linggo, ipinaalala ni Ptr. July David na bilang simbahan ng Diyos, dapat nating itigil ang diskriminasyon at ipagdiwang ang ating mga pagkakaiba dahil lahat tayo ay nagkakaisa kay Hesus at pinagkalooban ng iisang Espiritu.