Maaaring sinasabi natin na may pananampalataya tayo, ngunit ang totoo, madalas tayong umaasa sa sarili nating kakayahan upang lutasin ang ating mga problema. Ngayong Linggo, ibinabahagi ni Ptr. Joseph Ouano na ang tunay na pananampalataya ay hindi nasusukat sa ating kakayahang maniwala, kundi sa kung kanino tayo nagtitiwala—kay Hesus, na sa Kanyang madasaling pagdepende sa Ama, ay ginawang posible ang lahat ng bagay.
Mas nakilala ng mga disipulo si Hesus, ang Kanyang pagkatao at misyon dito sa mundo, matapos nilang masaksihan ang Kanyang “transfiguration” o pagbabagong-anyo. Ngayong Linggo, ipinaaalala sa atin ni Rev. Mike Cariño ang kahalagahan ng pagkakaroon ng panibagong pananaw kay Kristo at ang pakikinig sa Kanyang tinig. Mahalaga ang ganitong paghahanda upang tayo ay patuloy na makapaglingkod at maisabuhay ang Kanyang ministeryo, kahit sa gitna ng mga pagsubok.
Inihayag ni Jesus kung ano ang kailangan upang maging Kanyang disipulo: ang pasanin ang krus at sumunod sa Kanya. Ngayong Linggo, ipinaalala sa atin ni Ptr. Renz Raquion na tinatawag tayo ni Hesus na ituring Siya bilang lahat sa atin sa pamamagitan ng pagtanggi sa sarili at pagpapasan ng krus, upang mahubog ng ating pananampalataya ang bawat aspeto ng ating buhay.
Ang pagkakakilala ba natin kay Hesus ay batay lamang sa sabi-sabi ng iba, o nakaugat sa isang personal na ugnayan sa Kanya? Ngayong Linggo, hinihikayat tayo ni Rev. Mike Cariño na huwag magpadala sa ingay ng mundo, kundi makinig sa tinig ng ating Tagapagligtas na nag-aanyaya sa atin na lubos Siyang kilalanin.
