Sa pagtatapos ng taon, alalahanin natin ang kabutihan ng Diyos, ang ating pagkakakilanlan sa Kanya, at ang Kanyang nag-uumapaw na biyaya. Sa linggong ito, hinihikayat tayo ni Pastor Renz Raquion na magbalik-tanaw nang may pasasalamat at mapagpakumbabang pagsunod habang tinatanggap natin ang kapatawaran, pagpapanumbalik, at pagpapala ng Diyos sa atin sa taong 2024.
Ang tunay na diwa ng Pasko ay higit pa sa mga selebrasyon na karaniwang iniuugnay natin dito. Sa linggong ito, binibigyang-diin ni Rev. Mike Cariño na ang puso ng Pasko ay nasa isang Tagapagligtas na ating tatanggapin, isang Tanda na ating maaasahan, at isang Kuwento na muli’t muling isasalaysay.
Dahil limitado ang ating pang-unawa, hindi natin lubos na maiintindihan kung bakit pati ang mabubuting tao ay nagdurusa nang walang dahilan. Ngayong linggo, hinihikayat tayo ni Rev. Mike Cariño na magtiwala sa Diyos, kahit wala tayong malinaw na kasagutan sa problema ng pagdurusa. Alam ng Diyos ang lahat; nananatili Siyang mabuti sa kabila ng mga pagsubok sa buhay, at hawak Niya ang lahat sa Kanyang mga kamay.
Iniwan ni Jacob ang lugar na kinalakihan niya matapos linlangin ang kanyang kapatid na si Esau, na nauwi sa pagkasira ng kanilang relasyon. Ngayon, tinatawag siya ng Diyos na bumalik. Pero tatanggapin pa kaya siya ni Esau? Ngayong linggo, ibabahagi ni Pastor July David kung paano kayang ayusin ng Diyos ang mga nasirang relasyon kapag tayo’y magpapakumbaba at susunod sa Kanyang kalooban.
