Ang karunungan ng mundo ay kamangmangan sa mata ng Diyos. Kinukutya ng mundo ang ipinakong Kristo, ngunit sa katotohanan, Siya ang inilaan ng Panginoon para sa kaluwalhatian! Ngayong linggo, hinihikayat tayo ni Ptr. Renz Raquion na huwag magtiwala sa makamundong karunungan, at sa halip, ay magtiwala sa krus at sa dakilang plano ng Diyos para sa ating kaligtasan.
Marahil ang pinakamagandang paraan para maiwasan ang hindi pagkakasundo ay ang pagbibigay-pansin sa kung anu-ano ang nagbubuklod sa atin. Ngayong linggo, ibabahagi ni Rev. Mike Cariño ang mga bagay na nagbubuklod sa atin bilang magkakapamilya sa pananampalataya upang pagtibayin ang pagkaka-isa sa loob ng simbahan.
Bagama’t niligtas at tinubos na tayo ng Diyos, nagkakaroon parin ng mga alitan sa loob ng simbahan dahil ang bawat tao ay likas na makasalanan. Itong linggo, ibabahagi ni Rev. Mike Cariño kung ano ang maari nating gawin upang maiwasan ang dibisyon sa loob ng simbahan.
Ang pag-asa ng isang bagong mundo na itatatag ni Hesus sa Kanyang pagbabalik ang maguudyok sa atin na mamuhay nang tama sa kasalukuyan. Itong linggo, ibabahagi ni Rev. Mike Cariño ang panghihikayat ni Apostol Pedro sa bawat mananampalataya na manatiling tapat, maka-Diyos, at patuloy na mamuhay sa biyaya at awa ng Panginoon.
