It’s only natural to feel angry with God when we endure ongoing pain and our prayers seem to go unanswered. Yet many believe that voicing our complaints is a sign of weak faith. This Sunday, Rev. Michael Cariño shows us that faith sets us free to present our wounds to Him. Let us be honest in our prayers, even as we express our pain and our problems.

Basahin sa Bibliya

Habakkuk 1:1–4

Life Group Discussion Guide

Download PDF

Para ma-access ang Unshaken booklet para sa discussion questions, pumunta lang sa cbcp.org/Unshaken

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Where Is God When I’m Hurting?: Kung Hindi Mo Matagpuan Ang Diyos sa Gitna ng Pighati appeared first on Christian Bible Church of the Philippines.

Sapat na ba ang paghingi ng paumanhin o “sorry” upang maipakita ng isang tao na siya ay tunay na nagsisisi sa kanyang mga kasalanan? Ngayong Linggo, ibabahagi ni Ptr. Renz Raquion na ang tunay na pagsisisi ay nangangailangan ng tapat na pagharap sa kaguluhang nasa loob natin at ng pagkilala sa Diyos na mapagpatawad, nagpapanumbalik, at nagbabalik ng kagalakang nawala sa atin.

Is saying “Sorry” enough to prove that one is truly repentant of their sins? This Sunday, Ptr. Renz Raquion reminds us that genuine repentance requires we confess our sin, confront the chaos within, and come home to a God whose grace forgives, restores, and gives back the joy we lost.

Basahin sa Bibliya

Psalm 51

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Share a time na binigyan ka ng second chance pagkatapos mong magkamali. Ano ang itinuro sayo nitong experience tungkol sa grace?

3. Engage the mind (15-20 mins)

• Basahin ang psalm. Ano ang itinuturo ng pagtugon ni David tungkol sa pagkakaiba ng feeling guilty sa totoong pag-confess ng sin?
• Ano ang ipinapakita ng panalangin ni David para sa malinis na puso, bagong pagkatao, at kagalakan ng kaligtasan tungkol sa layunin ng Diyos sa pag-confess at pagpapatawad?

4. Examine the heart (15-20 mins)

• Ano ang dala-dala mong guilt o hiya na natatakot kang ilapit nang tapat sa Diyos? Ano ang pumipigil sayo para ilabas ito sa liwanag?
• Kapag may nagtuturo ng mali sa buhay mo, paano ka karaniwang nagre-react? Handa ka bang makinig at hayaan ang Diyos na gamitin sila para sabihin sayo ang katotohanan?

5. Empower the hands (15-20 mins)

• Saang bahagi ng buhay mo ngayon ang natutuksong kang magdahilan, magkumpara, o paliitin ang kasalanan imbes na tapat na sabihing, “Kasalanan ko ito”? Ano ang kailangan mong gawin para itigil ang pagtatanggol sa sarili, pagpapaliwanag, o pagtatago, at sa halip ay honest na magtapat sa Diyos?
• Anong praktikal na hakbang ang magagawa mo ngayong linggo para magkaroon ng malinis na puso at bagong pagkato tulad ng ipinanalangin ni David—imbes na simpleng humingi lang ng tawad?

6. Maglaan ng oras para sa pagdadasal (20-30 mins)

• Magpasalamat sa Diyos para sa Kanyang awa at biyaya na sumasalubong sa atin kahit sa gitna ng ating pagkakamali. Purihin Siya dahil hindi natin kailangang magtago, ipagtanggol, o ayusin ang ating sarili bago lumapit sa Kanya, dahil ginawa na ni Jesus na posible ang pagpapatawad at pagbabago. Pasalamatan Siya sa mga taong ginagamit Niya para magsabi ng katotohanan sa ating buhay, at para sa kagalakang ibinibigay Niya sa tuwing bumabalik tayo sa Kanya.
• Humingi sa Diyos ng lakas ng loob para taos-pusong mag-confess at magsisi. Hilingin sa Kanya na ipakita ang mga bahagi ng buhay mo kung saan ka nagdadahilan, nagkukumpara ng sarili sa iba, nagtatago ng kasalanan, o tumatangging iwasto. Ipanalangin ang isang malinis na puso at bagong pagkatao, at ang kababaang-loob na tanggapin ang Kanyang biyaya, tumalikod sa kasalanan, at maging isang taong tumutulong sa iba na mahanap ang daan pabalik sa Diyos.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Sorry appeared first on Christian Bible Church of the Philippines.

Maaari tayong mapanghinaan ng loob na manatiling tapat sa Diyos kapag nakikita nating hindi napaparusahan ang kasamaan. Ngayong Linggo, hinihikayat tayo ni Reverend Michael Cariño na ituon ang ating paningin sa presensya ng Diyos. Siya lamang ang makapagbabago ng ating pananaw at makapagbabalik ng ating loob at tiwala sa Kanya.

When we see wickedness go unpunished, we may become discouraged and waver in our walk with God . This Sunday, Rev. Michael Cariño encourages us to fix our eyes on God’s presence. He alone can transform our outlook and restore our hearts and trust in Him.

Basahin sa Bibliya

Psalm 73

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Magbahagi ng isang pagkakataon kung kailan nakaranas ka ng kawalan ng katarungan at naitanong mo ang, “Lord, bakit ganito? Bakit napaka-unfair?” Ano ang nangyari?

3. Engage the mind (15-20 mins)

• Basahin ang psalm. Ano ang naging dahilan kung bakit nadulas ang pananampalataya ni Asaph, ang mismong sitwasyon ba o ang interpretation niya sa mga ito? Ano ang matututunan natin dito?
• Paano ipinapakita ng psalm na ang pagkakaroon ng mga katanungan tungkol sa kawalan ng katarungan ay hindi ibig sabihin na faithless ka? Saan nagiging mapanganib ang pagtatanong?

4. Examine the heart (15-20 mins)

• May pagkakataon ba na ang interpretation mo sa nangyari ang mas nagpadama sa ‘yo ng discouragement kaysa sa mismong sitwasyon? Paano nito naapektuhan ang pagtitiwala mo sa Lord?
• Kung aalisin ang mga bagay na nagbibigay sa iyo ng comfort, success, security, or blessing, masasabi mo pa rin ba na ang Diyos mismo ang greatest blessing mo? Bakit o bakit hindi?

5. Empower the hands (15-20 mins)

• Anong sitwasyon ngayon ang kailangan mong tingnan through God’s eternal perspective at hindi lang sa kung ano ang nakikita mo sa kasalukuyan? Anong attitude, pakikipagkumpara sa iba, o maling interpretation ang kailangan mong i-surrender kay Lord ngayon?
• Kapag nagsisimula kang ma-discourage, mainggit, o mag-question sa Diyos, ano ang isang practical step na pwede mong gawin para muling mag-focus sa Kanya?

6. Maglaan ng oras para sa pagdadasal (20-30 mins)

• Purihin ang Diyos dahil kahit may mga panahong naguguluhan, nagdududa, at nadadapa ang ating pananampalataya, nananatili Syang tapat at hindi Niya tayo iniiwan. Magpasalamat dahil hindi lamang Niya binabago ang ating sitwasyon, binibigyan Niya tayo ng bagong perspective sa pamamagitan ng Kanyang presensya. Thank God for His grace, that our security does not depend on how tightly we hold on to Him, but on how faithfully He holds on to us. Purihin Siya dahil Siya mismo ang ating greatest blessing at Siya ay sapat na sa atin.
• Magsisi sa mga pagkakataong hinayaan nating ang injustice, comparison, inggit, at discouragement na magdikta ng ating pananaw tungkol sa Diyos. Humingi ng tawad sa mga panahong mas pinaniwalaan natin ang sarili nating interpretation ng ating sitwasyon kaysa sa character at faithfulness ng Diyos. Magsisi sa mga pagkakataong hinanap natin ang ating security, satisfaction, at hope sa temporary things ng mundo. Hilingin sa Diyos na ibalik ang ating paningin sa Kanya, bigyan tayo ng eternal perspective, at tulungan tayong magtiwala sa Kanya kahit hindi pa nagbabago ang situation.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post When Faith Stumbles: Tiwala Sa Diyos Kahit Madaya Ang Mundo appeared first on Christian Bible Church of the Philippines.

Paano natin malalampasan ang mga kasinungalingan, sakit, at pang-aabuso na dulot ng mga maling paratang? Ngayong Linggo, tatalakayin ni Pastor Allan Rillera kung paano naging maingat si David sa kanyang mga salita, paano niya hinarap ang sariling niyang kahinaan gayong ang buhay sa mundo ay panandalian lamang, at paano siya humanap ng pag-asa sa Panginoon na walang hanggan, mapagmahal, at hindi nauubusan ng awa.

How do we rise above the lies, pain, and abuse that come with facing false accusations? This Sunday, Pastor Allan Rillera shows us how David restrained his words, wrestled with his own weakness and the fragility of life, and found hope in an eternal, loving God. Let us anchor our hope in the Lord’s unfailing mercy.

Basahin sa Bibliya

Psalm 39

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Dahil maikli lang ang buhay, ano ang isang bagay ang nais mong bigyan ng mas maraming oras at atensyon?

3. Engage the mind (15-20 mins)

• Basahin ang psalm. Bakit pinili ni David na manahimik muna bago magsalita, at bakit sa Diyos niya ibinuhos ang nilalaman ng kanyang puso?
• Ano ang ibig sabihin ng mamuhay bilang isang manlalakbay sa mundong ito, at paano ito naging posible dahil kay Cristo?

4. Examine the heart (15-20 mins)

• Ano ang mga bagay na matagal mo nang kinikimkim at hindi mo pa lubos na naibubuhos sa Diyos sa panalangin?
• Sa anong bagay ka kumakapit imbes na mamuhay para sa walang hanggan kasama ang Diyos?

5. Empower the hands (15-20 mins)

• Ano ang isang gawain o prayoridad na maaari mong bawasan, bitawan, o baguhin upang mas mailaan mo ang oras mo sa mga bagay na may walang hanggang halaga?
• Sino ang isang tao na maaari mong palakasin o hikayatin ngayong linggo sa pamamagitan ng pagbabahagi ng pag-asa na mayroon tayo kay Cristo?

6. Maglaan ng oras para sa pagdadasal (20-30 mins)

• Purihin ang Diyos dahil Siya ang ating matibay na pag-asa sa gitna ng maikli at pabago-bagong sitwasyon ng buhay. Magpasalamat dahil tinatanggap Niya ang ating tapat na panalangin, minamahal at dinidisiplina tayo upang ilapit tayo sa Kanya, at ibinigay Niya si Cristo na pumarito sa mundong ito upang iligtas tayo at ihanda ang ating walang hanggang tahanan.
• Pagsisihan ang mga panahong mas kumapit ka sa mga pansamantalang bagay kaysa sa Diyos, nagtago ng iyong mga hinanakit at alinlangan sa halip na dalhin ang mga ito sa Kanya, o inilagay ang iyong pag-asa sa sarili, sa ibang tao, o sa iyong mga plano. Humingi ng kapatawaran at tulong sa Diyos upang mamuhay ka nang may pananaw sa walang hanggan, mahusay na bilangin ang mga araw na ibinigay Niya sa iyo, at ilagay ang iyong buong pag-asa kay Cristo lamang.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Finding Hope In God’s Unfailing Mercy (Pag-Asa sa Hindi Nagkukulang na Awa ng Diyos) appeared first on Christian Bible Church of the Philippines.

Nakararanas din ng desperasyon ang mga Kristiyano, ngunit hindi ito nangangahulugang wala ang Diyos sa mga panahong ito. Ngayong Linggo, ibabahagi ni Rev. Michael Cariño kung paano patuloy na nagdadasal ang tunay na mananampalataya sa gitna ng kadiliman, sa kabila ng mga luha, sakit, at kalituhan.

Even Christians know despair, but that doesn’t mean God is absent in these moments. This Sunday, Rev. Michael Cariño shares how genuine faith keeps us praying through the darkness, amid tears, pain, and confusion.

Basahin sa Bibliya

Psalm 88

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Looking back sa isang madilim at mahirap na panahon sa buhay mo, paano mo nakitang ginamit ito ng Diyos para hubugin ang iyong pananampalataya o pagkatao?

3. Engage the mind (15-20 mins)

• Read the psalm. Ano ang ipinapakita ng mga hinaing at tanong ni Heman tungkol sa tamang paraan ng paglapit sa Diyos sa gitna ng mga pagsubok?
• Sa anong paraan nakapagbibigay ng pag-asa ang paghihirap, kamatayan, at muling pagkabuhay ni Jesus sa mga dumadaan sa madilim na panahon?

4. Examine the heart (15-20 mins)

• Gaya ni Heman, honest ka rin ba sa Diyos tungkol sa iyong mga luha, hinaing, at mga tanong? O may mga bagay kang pinipiling itago sa Kanya? Bakit?
• May pagkakataon bang mas pinapaniwalaan mo ang sinasabi ng iyong emosyon kaysa sa katotohanang ipinahayag ng Diyos tungkol sa Kanyang sarili? Bakit kaya?

5. Empower the hands (15-20 mins)

• Ano ang isang mabigat na dinadala mo ngayon na nais mong patuloy na ipagkatiwala sa Diyos sa panalangin? Ano ang isang katotohanan tungkol sa character ng Diyos na maaari mong panghawakan kapag tila hindi mo nararamdaman ang Kanyang presensya?
• Sino ang kakilala mong dumadaan sa isang madilim na panahon? Paano mo siya mahihikayat na patuloy na manalangin at umasa kay Jesus?

6. Maglaan ng oras para sa pagdadasal (20-30 mins)

• Purihin ang Diyos dahil Siya ang ating Diyos na nagliligtas, nananatiling tapat, at hindi tayo iniiwan kahit parang tahimik Siya. Pasalamatan Siya dahil sa Panginoong Jesus na pumasok sa pinakamalalim na kadiliman upang magkaroon tayo ng pag-asa, katiyakan, at bagong buhay. Dahil nabubuhay si Christ, alam nating hindi kadiliman ang huling hantungan ng ating kwento.
• Humingi ng tawad sa Diyos sa mga pagkakataong hinayaan mong mas paniwalaan ang iyong emosyon, takot, o sitwasyon kaysa sa Kanyang katapatan at pagmamahal. Ipanalangin na bigyan ka Niya ng pusong patuloy na nananalangin, nagtitiwala, at kumakapit sa Kanya kahit walang agarang sagot, naniniwalang hindi ka kailanman naglalakad sa dilim nang mag-isa dahil kasama mo si Jesus.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Faith in the Dark: Umiiyak, Umaasa Kahit Madilim appeared first on Christian Bible Church of the Philippines.

Sa mga pagkakataong tila gumuguho ang ating buhay at nakararanas tayo ng matinding pag-iisa, kabigatan sa buhay, o kawalan ng kontrol, saan tayo makahanap ng kapanatagan? Ngayong Linggo, hinihikayat tayo ni Pastor Allan Rillera na hanapin ang presensya ng Diyos at magtiwalang Siya pa rin ang may hawak ng lahat. Siya ang ating matibay na sandigan, at hinding-hindi Niya tayo bibiguin.

When life is falling apart and we’re overwhelmed by loneliness, burdens, or a loss of control, where can we find peace? This Sunday, Pastor Allan Rillera encourages us to seek God’s presence and to trust that He is in control. Amid our struggles, He is our unshakeable refuge, and He will never fail us.

Basahin sa Bibliya

Psalm 46

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Balikan at ibahagi ang isang mahirap o mapait na panahon sa iyong buhay. Paano ipinakita ng Diyos na hindi ka Niya iniwan?

3. Engage the mind (15-20 mins)

• Basahin ang psalm. Ano ang sinisimbolo ng ilog sa lungsod ng Diyos, at ano ang ipinapakita nito tungkol sa presensya ng Diyos?
• Ano ang ibig sabihin na ang Panginoon ng mga hukbo (Lord of Hosts) ang ating kanlungan?

4. Examine the heart (15-20 mins)

• Sa anong bahagi ng iyong buhay ngayon ang pakiramdam mong nag-iisa ka o walang nakakaintindi sa iyong pinagdaraanan? Paano ka inaanyayahan ng Diyos na maranasan ang Kanyang presensya ngayon?
• Ano ang mga bagay na nahihirapan kang bitawan o isuko sa Diyos dahil gusto mong ikaw ang may kontrol? Saan ito nanggagaling?

5. Empower the hands (15-20 mins)

• Paano ka makakapaglaan ng oras ngayong linggo upang magkaroon ng katahimikan sa presensya ng Diyos at alalahanin ang Kanyang katapatan?
• Sino ang kakilala mong dumaraan sa isang mahirap na sitwasyon ngayon? Paano mo siya mahihikayat na magtiwala sa Diyos bilang kanyang matibay na kanlungan?

6. Maglaan ng oras para sa pagdadasal (20-30 mins)

• Purihin ang Diyos sapagkat Siya ang ating makapangyarihan at hindi matitinag na kanlungan. Pasalamatan Siya dahil hindi Niya tayo iniiwan sa gitna ng unos, bagkus Siya ang ating kalakasan, kapayapaan, at laging handang tumulong sa oras ng pangangailangan. Magpasalamat sa Kanyang katapatan at sa maraming pagkakataong ipinakita Niya ang Kanyang presensya at kapangyarihan sa ating buhay kahit tila gumuguho ang lahat ng bagay.
• Humingi ng tawad sa Diyos sa mga pagkakataong mas nagtiwala ka sa sariling kakayahan, plano, o sa mga bagay ng mundong ito kaysa sa Kanya. Pagsisihan ang mga panahong pinairal mo ang takot, pangamba, at kagustuhang kontrolin ang lahat imbes na magpahinga at magtiwala sa Kanyang kapangyarihan. Ipanalangin na tulungan kang patuloy na isuko ang iyong mga alalahanin at mamuhay nang may buong pagtitiwala sa Diyos na kailanman ay hindi nagbabago at hindi matitinag.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post God Is Our Mighty Fortress Na Kailanman Hindi Guguho appeared first on Christian Bible Church of the Philippines.

Ang tugon ng taong nakaranas ng kabutihan ng Diyos ay patuloy na pagpupuri, matatag na pagtitiwala, at di natitinag na pag-asa sa Kanya. Ngayong Linggo, ibabahagi ni Rev. Michael Cariño kung paano tayo pinoprotektahan ng kabutihan ng Diyos sa kabila ng kawalang-katiyakan, sakit, at mga hamon na pagdadaanan natin sa buhay.

We who have firsthand experience of God’s goodness can’t help but respond with continual praise, steadfast trust, and unwavering hope in Him. This Sunday, Rev. Michael Cariño shares how God’s goodness protects us amid the uncertainty, pain, and challenges that life presents.

Basahin sa Bibliya

Psalm 34

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Sa nakaraang linggo, ano ang isang bagay na nagpaalala sa iyo ng kabutihan ni Lord?

3. Engage the mind (15-20 mins)

• Basahin ang psalm. Paano tumutugon ang mga taong nakaranas ng kabutihan ng Diyos?
• Paano tayo binibigyan ng pag-asa ng Diyos sa gitna ng paghihirap at pagsubok?

4. Examine the heart (15-20 mins)

• Kapag may problema o mabigat na pinagdadaanan, ano ang kadalasang nauuna sa puso mo—papuri, pangamba, o reklamo? Bakit kaya?
• Saan mo kailangang lumago ngayon: continual praise, confident trust, o consistent hope? Bakit mo nasabi?

5. Empower the hands (15-20 mins)

• Paano mo maaalala at maipagdiriwang ang katapatan ng Diyos sa buhay mo ngayong linggo? (Hal. Magsulat ng mga answered prayers, magbahagi ng testimony sa iba, atbp.)
• Sino ang isang taong pinanghihinaan ng loob na maaari mong lapitan, damayan, at paalalahanan tungkol sa kabutihan at katapatan ng Diyos?

6. Maglaan ng oras para sa pagdadasal (20-30 mins)

• Purihin ang Panginoon sa Kanyang walang sawang kabutihan, katapatan, at pagliligtas. Pasalamatan Siya dahil nananatili Syang mabuti sa bawat panahon—madali man o mahirap ang sitwasyon. Purihin Siya dahil hindi Niya tayo iniiwan sa ating mga takot, pagdurusa, at panghihina, kundi patuloy Niya tayong nilalapitan, pinapakinggan, at inaalalayan.
• Humingi ng tawad para sa mga panahong mas pinili mong mag-alala kaysa magtiwala, o magreklamo kaysa magpapuri. Ikumpisal ang mga pagkakataong nagduda ka sa Kanyang kabutihan o umasa sa sarili mong lakas kaysa sa Kanyang katapatan. Hilingin na bigyan ka Niya ng pusong patuloy na nagpupuri, buong pusong nagtitiwala, at matatag na nananalig na ang Kanyang pagliligtas at kabutihan ang mananaig sa huli.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Experience the Goodness of God: Ang Bait Mo Talaga, Lord! appeared first on Christian Bible Church of the Philippines.

Bakit nawawalan ng sigla ang mga Kristiyano sa pagsamba at naaanod sa espirituwal na pagkabagot? Ngayong Linggo, hinihikayat tayo ni Pastor July David na hayaang maghari ang Hari ng Kaluwalhatian sa ating buhay. Habang nagpapasakop tayo sa Kanya nang buong puso at namumuhay nang banal, mararanasan natin ang radikal at matatag na pagsamba.

Why do Christians often lose their passion for worship and drift into spiritual complacency? This Sunday, Ptr. July David urges us to let the King of Glory reign. As we surrender to Him wholeheartedly and live in holiness, we begin to experience worship that is radical and steadfast.

Basahin sa Bibliya

Psalm 24

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Kung ilalarawan mo ang buhay mo bilang isang bahay, aling kwarto ang pinakamadaling ipapasok si Jesus? Ano ang pinakamahirap? Bakit?

3. Engage the mind (15-20 mins)

• Basahin ang psalm. Bakit may karapatan ang Diyos na maghari at mamuno sa ating buhay?
• Ano ang ibig sabihin ng pagkakaroon ng clean hands at pure heart? Ano ang hitsura nito sa pang-araw-araw na buhay?

4. Examine the heart (15-20 mins)

• Sa anong bahagi ng buhay mo ang nahihirapan kang kilalanin si Jesus bilang Lord (Panginoon), kahit tinatanggap mo Siya bilang Savior (Tagapagligtas)? Sa palagay mo, bakit kaya?
• Kamusta ang ‘clean hands’ at ‘pure heart’ mo ngayon? Mas nakatuon ka ba sa outward performance o sa tunay na pagbabago ng puso? May mga pagkakataon bang ginagawa mo ang mga spiritual activities (church, ministry, giving, serving) pero malayo ang puso mo sa Diyos? Ano ang ipinapakita nito tungkol sa motives mo?

5. Empower the hands (15-20 mins)

• Ano ang isang praktikal na paraan na maipapakita mo ngayong linggo na kinikilala mo na ang Diyos ang tunay na Owner at ikaw ay manager lamang?
• Ngayong linggo, paano mo maipapakita sa pamilya, workplace/school, ministry, o barkada mo na si Jesus ang tunay na naghahari sa buhay mo?

6. Maglaan ng oras para sa pagdadasal (20-30 mins)

• Purihin ang Panginoon namin dahil Siya lamang ang tunay na Hari ng Kaluwalhatian. Magpasalamat dahil Siya ang ating Creator, Owner, at Sustainer. Pasalamatan Siya na kahit hindi tayo karapat-dapat, tinanggap Niya tayo sa pamamagitan ni Jesus at patuloy Niya tayong binabago. Purihin Siya dahil Siya ang Victorious King na nagtagumpay laban sa kasalanan at kamatayan, at karapat-dapat Siyang maghari sa bawat bahagi ng ating buhay.
• Humingi ng tawad sa mga pagkakataong gusto mong masunod kaysa sa Diyos. Magsisi sa mga areas ng buhay mo na hindi mo pa lubos na isinusuko sa Kanya. Ipagdasal na magkaroon ka ng clean hands at pure heart upang ang pamumuhay mo ay maging tapat at kalugod-lugod sa Kanya. Humingi ng tulong para mabuksan ang bawat gate at kwarto ng iyong buhay kay Jesus at kilalanin Siya bilang tunay na Hari na karapat-dapat sambahin at sundin.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Kapag Si Lord ang Naghahari Sa Ating Buhay appeared first on Christian Bible Church of the Philippines.

Ang pinakaligtas na lugar ay hindi kung saan walang problema, kundi kung saan naroon ang presensya ng Diyos. Ngayong Linggo, ipinaaalala sa atin ni Rev. Mike Cariño na kapag ang Diyos ang ating pinakamahalagang kayamanan, Siya ay higit pa sa sapat para sa bawat yugto ng buhay. Sa pagtitiwala natin sa Kanya, matatagpuan natin ang tunay na kapahingahan at kagalakan.

Safety is not the absence of trouble or danger; it is the presence of God. This Sunday, Rev. Mike Cariño reminds us that when God is our most precious treasure, He is more than enough for every season of life. By trusting in Him, we find true rest and joy.

Basahin sa Bibliya

Psalm 16

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Kapag stressed, worried, o may mabigat kang pinagdadaanan, saan o kanino ka unang tumatakbo? Bakit kaya?

3. Engage the mind (15-20 mins)

• Basahin ang psalm. Ano ang itinuturo nito tungkol sa probisyon ng Diyos? Paano nito ipinapakita na ang Diyos ang ating greatest possession, source of contentment, guide, at focus?
• Ano ang resulta ng pagtitiwala sa Diyos? Bakit nagiging posible ang tunay na joy kahit may pinagdaraanan?

4. Examine the heart (15-20 mins)

• Maging tapat: Masasabi mo bang ang Diyos ang iyong greatest treasure at possession? Ano bagay ang nakikipagkompetensya sa Kanya sa puso mo ngayon?
• Kamusta ang iyong contentment sa mga ibinigay ng Diyos? May mga pagkakataon bang naiinggit ka o nahihirapang tanggapin ang Kanyang plano?

5. Empower the hands (15-20 mins)

• Gaano ka ka-intentional na makinig sa paggabay o guidance ng Diyos sa pamamagitan ng Kanyang Salita bago gumawa ng mga desisyon? Paano mo mas mabibigyang-priority ang pagbabasa at pagninilay sa Salita ng Diyos upang mas makilala mo ang Kanyang boses?
• Ano ang isang practical step na maaari mong gawin upang maipakita na ang Diyos ang iyong greatest treasure at hindi ang ibang bagay?

6. Maglaan ng oras para sa pagdadasal (20-30 mins)

• Pasalamatan ang Ama sa Langit dahil Siya ang ating unfailing Refuge, faithful Provider, and greatest Treasure. Purihin Siya dahil ang tunay nating seguridad ay hindi nakasalalay sa kawalan ng problema kundi sa Kanyang presensya. Magpasalamat na lagi Niya tayong pinoprotektahan, pinagpapala, at ginagabayan sa pamamagitan ng Kanyang Salita. Pasalamatan Siya dahil sa pamamagitan ni Christ, mayroon tayong katiyakan ng buhay, kagalakan, at walang hanggang presensya Niya.
• Magsisi sa mga pagkakataon na hinanap mo ang security, satisfaction, at joy sa ibang bagay at hindi sa Diyos. Humingi ng tawad sa mga pagkakataong mas inuna mong umasa sa sarili mong kakayahan, sa ibang tao, o sa mga bagay ng mundong ito kaysa kay Panginoon. Aminin ang mga pagkakataong nag-alinlangan ka sa Kanyang kabutihan, nagreklamo sa mga bagay na ibinigay Niya, o pinahintulutan ang takot at pag-aalala na kontrolin ang iyong puso. Ipanalangin na tulungan ka ng Holy Spirit na magtiwala sa proteksyon ng Diyos, magpahinga sa Kanyang probisyon, masiyahan sa Kanyang presensya, at patuloy na ituon ang iyong mga mata kay Jesus upang ang iyong pagtitiwala, katiwasayan, at kasiyahan ay palaging matatagpuan sa Kanya lamang.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post Safe, Secure, and Satisfied in God: Kay Lord, Kampante Ako appeared first on Christian Bible Church of the Philippines.

Makikita natin sa mga nilikha ng Diyos ang Kanyang kadakilaan at matinding pagmamalasakit para sa atin. Ngayong Linggo, ipinapaalala ni Pastor Joseph Ouano na kapag hinanap natin ang kagandahan ng Diyos sa Kanyang mga nilikha, mas makikilala natin ang ating mga sarili — ang ating kahinaan, dignidad bilang mga taong ginawa sa Kanyang wangis, at ang ating layunin na purihin Siya.

All of creation declares the greatness of our God and His profound care for us. This Sunday, Pastor Joseph Ouano reminds us that when we seek God’s majesty in creation, we gain a clearer understanding of our frailty, our dignity as His image-bearers, and our purpose to glorify Him.

Basahin sa Bibliya

Psalm 8

Life Group Discussion Guide

Download PDF

1. Magdasal bilang panimula.

2. Engage with one another (15-30 mins)

• Magbahagi ng isang karanasan na napahinto ka at tumingin sa creation (bundok, dagat, stars, ulan, hayop, etc.) para isipin kung gaano kadakila ang Diyos.

3. Engage the mind (15-20 mins)

• Basahin ang psalm. Ano ang nangyari kay David habang pinagmamasdan niya ang kalangitan at mga nilikha ng Diyos? Ano ang na-realize niya tungkol sa Diyos at sa tao?
• Sa kabila ng pagiging maliit ng tao kumpara sa buong creation, anong mga biyaya at responsibilidad ang ipinagkaloob ng Diyos sa sangkatauhan?

4. Examine the heart (15-20 mins)

• Saan mo madalas hinahanap ang iyong kahalagahan at kabuluhan? Sa achievements, trabaho, approval ng tao, ministry, o sa biyaya ng Diyos na nagbibigay ng dignity at purpose?
• Tinatrato mo ba ang mga ipinagkatiwala ng Diyos (oras, pera, trabaho, relationships, ministry, environment, abilities, etc.) bilang pagmamay-ari mo o bilang mga bagay na ipinagkatiwala lang sayo? Bakit?

5. Empower the hands (15-20 mins)

• Paano mo mas makikita ang araw-araw mong gawain sa bahay, church, pag-aaral/trabaho, at sa iba’t pang aspeto ng buhay bilang bahagi ng calling ng Diyos at hindi lang obligasyon?
• Ano ang isang konkretong paraan para mas maipakita mong ikaw ay katiwala at hindi may-ari ng mga ipinagkaloob ng Diyos? Mayroon bang isang habit o practice ng pagiging maaksaya, controlling, greedy, o careless na kailangan mong talikuran? Ano ang ipapalit mo rito?

6. Maglaan ng oras para sa pagdadasal (20-30 mins)

• Purihin ang Panginoon dahil Siya ang dakilang Diyos na ang kaluwalhatian ay makikita sa buong kalikasan at sa lahat ng Kanyang nilikha. Pasalamatan Siya dahil kahit maliit at limitado ang tao, pinili Niyang alalahanin tayo, pagkalooban ng dangal at karangalan, at pagkatiwalaan ng makabuluhang gawain. Magpasalamat na ang ating halaga at kabuluhan ay hindi nakasalalay sa kakayahan, tagumpay, o pagkatao mo kundi sa biyaya at layuning ipinagkaloob ng Diyos.
• Magsisi sa mga pagkakataong namuhay ka na parang ikaw ang may-ari at hindi katiwala ng mga ipinagkatiwala ng Diyos—sa oras, kakayahan, resources, relasyon, gawain, at maging sa Kanyang nilikha. Humingi ng tawad sa mga panahong hinanap mo ang halaga mo sa sarili mong achievements o ginamit mo ang authority at opportunities para sa pansariling ambisyon. Ipanalangin na bigyan ka ng Diyos ng pusong mapagkumbaba, mapagpasalamat, at tapat na mamuhay bilang katiwala na nagdadala ng karangalan sa Kaniya.

Nais mo bang masubukan na sumali sa isang Life Group session? Sagutin ang online form na ito upang makapagsimula.

Tithes at Offering

Kung ikaw ay miyembro ng CBCP at nais mong magbigay pabalik sa Panginoon, maaring magdeposito sa mga bank account ng simbahan gamit ang online fund transfer. Alamin kung paano.

The post A Song of Praise: Ang Dakilang Diyos at ang Tao appeared first on Christian Bible Church of the Philippines.